20040529 放工就順便搭丁丁去銅鑼灣 WhiteNoice 度望下，之前冇睇清楚就諗住撞上去，今次做曬功課 - 樓下大門是配匙和首飾店就唔該早單聲啦。 其實 WhiteNoice 都有幾多碟係其他地方搵到，都唔係太 rare，個價又差唔多總算多個地方行下。 今次另一個目的就係買 22cats 同埋佢地既 live 飛。 中午買碟跟住去考試，考完煲下隻碟，唔係太差既就去睇 live 支持下。
帶住輕鬆既心情準時 1930 去到，企左成四五個字先開始，個 mood 當堂冇左大半。 好耐冇睇過本地 band show，唔知係咁聽多左唔同類型既音樂，以前去親 band show 都覺得有一兩隊好噪，今次反而覺得唔夠噪，哈，個 mc 猛咁叫觀眾噪 d high d 但係都冇人理佢，情況就好似扯皮條叫個嫖客同個無牙阿婆玩得喪 d 咁。
講番隻七首 mini-album，"真實的嘴臉" 淺白歌詞玩味十足加上尾段 3 分鐘音樂高潮起伏一氣呵成，掂！ "Jasper" 同 "Let music be the food of love" 都清新可喜。 至於其他 track 就 ．．．講真麻麻．．．
-20040530
No comments:
Post a Comment